Batch 1 sa seasonal workers sa Dinagat Islands karong tuiga, nadeploy na
Tataw nga kalipay ang makita sa 42 nga mga Dinagatnong seasonal workers nga nagmalapusong gi-deploy karong adlawa, Abril 8, isip usa ka mga mag-uuma padulong sa nasod sa South Korea.
Kini agi'g pagtuman sa usa ka
programa Remedy sa panginabuhian sa provincial government ubos sa pagdumala ni
Governor Nilo P. Demerey, Jr. pinaagi sa paningkamot sa buhatan sa Migrant
Office sa pagpanguna ni Migrant office- Administrator Ivy Vergara-Ecleo, BMLP
National Executive Vice President Board Member Dick Victor Carmona, ug suporta
sa mga nagkalain-laing ahensya.
Lakip niini nga kalihukan, personal
nga giubanan ug gigiyahan ni Ecleo ug Migrant Office staff Girly Opsima ug mga
kauban sa buhat ang mga seasonal workers gikan sa probinsya padulong sa Surigao
City hantod sa Mactan Cebu International Airport sa Lapu-Lapu City, Cebu aron
masiguro nga wala'y mamahimong abirya ug malampusong matabangan ang matag usa
kanila.
Magpadayun ang maong programa sa paglihok ug pagprepara sa mga musunod pa nga mga batch sa mga seasonal workers agi'g paghatag kahapsay sa kinabuhi sa mga Dinagatnon ug makalingkawas sa kalisod sa probinsya. (PIO-PDI/PIA-Dinagat Islands)