Cebuano news: Pangulong Aquino mipagawas og MO
No. 52 aron maseguro nga luwas, hapsay, ligdong, malinawon ug kredible ang
eleksyon sa Mayo
Ni Susil D. Ragas
SURIGAO CITY, Enero 23 (PIA) -- Gipagawas ni
Pangulong Aquino ang Memorandum Order No. 52 aron paghatag og katungod sa mga
law enforcement agencies, lakip usab ang Armed Forces of the Philippines (AFP)
aron seguroong luwas, hapsay, ligdong, malinawon ug kredible ang pagpahigayon
sa Mayo 13, 2013 automated national ug lokal eleksyon.
Ang maong MO No. 52 gipirmahan ni Executive
Secretary Paquito N. Ochoa niadtong Enero 9, 2013 ug subay niini ang Commission
on Elections (Comelec) pinaagi sa Resolution No. 9589 (s.2012) midawat sa
kamandoan sa Pangulo sa pag hatag katungod sa mga law enforcement agencies ug
uban pang ahensya sa gobyerno, lakip na ang kasundalohan, alang sa umaabot nga
piniliay.
Subay usab sa maong MO No. 52 gimandoan sa
Pangulo ang mga law enforcement agencies ug uban pang hintungdan nga ahensya sa
gobyerno sa pakigtambayayong ug pagkooperar ngadto sa COMELEC kalabot na sa
ilang mga katungdanan ug lihok. (RER/SDR/PIA-Surigao del Norte)