Cebuano News: Pangulong Aquino mitudlo og
bag-ong opisyales sa gobyerno
Ni Susil D. Ragas
SURIGAO CITY, Enero 7 (PIA) -- Si Pangulong
Aquino mitudlo og bag-ong mga opisyales sa nagkalain-lain nga mga ahensya sa
gobyerno, matud ni Deputy Presidential Spokesperson Abigail Valte niadtong
Biyernes, Enero 4 didto sa Malacañang.
Sumala ni Valte, gipirmahan sa Pangulo niadtong
Disyembre 21 ang appointment letter ni Angelita Gregorio-Medel isip
undersecretary sa Department of Social Welfare and Development nga adunay
termino nga co-terminus sa termino sa Pangulo.
Gitudlo usab sa Pangulo si Catherine Jennifer
Francis P. Gonzales isip undersecretary sa Department of Transportation and
Communications (DOTC).
Ang uban pang mga natudlo mao sila Edilberto D.
Tayao isip Acting Director IV sa Department of Public Works and Highways, Maria
Karen S. Olidan isip Director III sa DOTC, Dinna Anna Lee L. Cartujano isip
Acting Director sa Department of National Defense, Isidro Antonio C. Asper isip
miyembro sa Technical Education and Skills Development Authority (TESDA) Board,
nagrepresentar sa labor sector nga adunay termino hangtod Nobyembre 25, 2012 ug
si Ferdinand B. Sales isip Acting Director sa Securities and Exchange
Commission ubos sa Department of Finance. (PIA-Surigao del Norte)